«Էմ Ուայ Էմ ին Հոսփիթալիթի» ընկերությունը մասնագիտացված է զբոսաշրջության և հյուրընկալության ոլորտի հաստատությունների կառավարմամբ, ինչպես նաև մատուցում է խորհրդատվական ծառայություններ տվյալ գործունեության զարգացման և խթանման վերաբերյալ:«Էմ Ուայ Էմ ին Հոսփիթալիթի» ընկերության փորձառու թիմը ապահովում է արդյունքներ, որոնք երաշխավորված են տարիների հարուստ փորձով թրծված ռազմավարությամբ:
Գլխամասային գրասենյակը գտնվում է Երևանում և հիմնական կառավարումը իրականացվում է հենց այստեղից, սակայն մենք ունենք նաև տեղական գրասենյակներ բոլոր այն երկրներում, որտեղ առկա են մեր կողմից կառավարվող հաստատությունները՝ տեղում աշխատանքի և որակի վերահսկման նկատառումներով:
Մենք ապահովում ենք.
- Աշխատանքային բարձր ստանդարտներ
- Մոտիվացված անձնակազմ
- Ծախսերի վերահսկման մեխանիզմների ներդնում և իրականացում
- Շահութաբերության աճ և կայուն զարգացում
Ուսումնասիրելով սպառման շուկան և պոտենցյալ սպառողների թիրախային խմբերը, մեր ընկերությունը կարողանում է բացահայտել հաստատության մրցակցային առանձնահատկությունները և ընդգծել դրանց առավելությունները,ինչպես նաև բացահայտել շուկայում առկա մրցակիցներին՝ ապահովելով առողջ մրցակցություն:
Մեր նպատակն է համակարգել մեր կողմից կառավարվող հաստատությունների անխափան աշխատանքը, ապահովելով շահութաբերության առավելագույն մակարդակ՝ զուգակցված հաստատության ծառայությունների բարձր որակով և հաճախորդների գոհունակությամբ:
Մեր անձնակազմը
Աշխատակազմի ընտրությունը հաջողված է, երբ աշխատակիցները համակված են նվիրվածության ոգով և ունեն միասնական նպատակներ: Մեր թիմում ընդգրկված են զբոսաշրջության ոլորտում բազմամյա փորձ ունեցող և միջազգային խոշոր կազմակերպություններում վերապատրաստված մասնագետներ, այդ թվում՝ տնտեսագետներ, շուկայագետներ, վերլուծաբաններ, ծրագրավորողներ, առցանց առաջխաղացման և անվտանգության փորձագետներ, վիճակագիրներ, հասարակության հետ կապի մասնագետներ և այլն, ովքեր հանդիսանում են զբոսաշրջության և հյուրնըկալության ոլորտի բարձրորակ ծառայությունների մատուցման մեր երաշխավորները:
Մենք կառուցում ենք երկարաժամկետ, վստահելի և փոխշահավետ հարաբերություններ մեր գործընկերների հետ: